True Journalism, No misleading titles, No cooked up stories and cheap analyses?….. 

Contact Us : [email protected], Call : 9849851841 

కాంగ్రెస్‌కు 2019లో మూడురెట్ల కన్నా అధిక సీట్లు: చిదంబరం

Image result for CWC meetingకాంగ్రెస్ పార్టీకి 2019 సాధారణ ఎన్నికల్లో మూడు రెట్లు కన్నా అధికంగా సీట్లు వస్తాయని ఆ పార్టీ సీనియర్ నేత, మాజీ కేంద్ర మంత్రి పి.చిదంబరం ఆశాభావం వ్యక్తం చేశారు. ఆదివారం న్యూఢిల్లీలో జరిగిన కాంగ్రెస్ వర్కింగ్ కమిటీ (CWC) సమావేశంలో పాల్గొన్న ఆయన ప్రసంగించారు. ఇప్పటికే 12 రాష్ట్రాల్లో కాంగ్రెస్‌ చాలా బలంగా ఉందని, ఎన్నికల సమయానికి మిగిలిన రాష్ట్రాల్లో కూడా బలోపేతం కావాల్సిన అవసరం ఉందని పార్టీ నేతలకు ఆయన సూచించారు. ప్రస్తుతం లోక్‌సభలో కాంగ్రెస్‌కు 48 మంది సభ్యులున్నారు. దీనికి మూడు రెట్ల కన్నా అధికం అంటే 150కి పైగా సీట్లు.
ప్రస్తుతం 12 రాష్ట్రాల్లో కాంగ్రెస్ బలంగా ఉంది కాబట్టి, మిగిలిన రాష్ట్రాల్లో పార్టీని బలోపేతం చేయడానికి ప్రాంతీయ పార్టీలతో పొత్తులు కుదిరేలా సీనియర్ నాయకులు ప్రయత్నాలు మొదలుపెట్టాలని చిదంబరం సూచించారు. ప్రాంతీయ పార్టీలను కలుపుకుంటేనే కాంగ్రెస్ విజయం పరిపూర్ణమవుతుందని ఆయన అభిప్రాయపడ్డారు.
రాహుల్ గాంధీ కాంగ్రెస్ అధ్యక్షుడిగా బాధ్యతలు స్వీకరించిన తరవాత జరిగిన ఈ తొలి సీడబ్ల్యూసీ సమావేశానికి సోనియా గాంధీ, మాజీ ప్రధాని మన్మోహన్ సింగ్, మల్లికార్జున ఖర్గే, ఆజాద్ సహా పలువురు సీనియర్ నాయకులు హాజరయ్యారు. అయితే దిగ్విజయ్ సింగ్, శశిథరూర్, కమల్ నాథ్ సహా మరికొంత మంది నాయకులు ఈ సమావేశానికి డుమ్మా కొట్టడం చర్చనీయాంశమైంది. ఆంధ్రప్రదేశ్ నుంచి పీసీసీ అధ్యక్షుడు రఘువీరారెడ్డి ఈ సమావేశంలో పాల్గొన్నారు.